Tips & Needles LeatherCraft
皮具維修
Luxury Leather Repair
名牌皮具維修、清潔保養與翻新——由把手、五金、拉鍊到邊油翻新，以專業手藝守護你珍愛的皮具。
WhatsApp 附上相片，即可初步報價。
法國頂級皮具品牌維修部出身
十年皮革工藝
2021 年香港創立
順豐寄送 · 維修滿 $1,000 回程包郵
維修流程
- WhatsApp 附上皮具相片
- 我們初步評估，說明能否維修同大概方向
- 實物檢查後，確認最終報價同時間
- 親臨工作室交件，或順豐寄送
- 完成後通知你，寄返／親自交收
需要知道嘅事
- 維修需時：視乎項目，一般約 4 週。
- 維修總值滿 HK$1,000，回程運費由我們負責。
- 每件皮具個別評估。做得到同做唔到，我們都會如實講，唔會過度承諾。
- 本店為獨立第三方維修服務，與各品牌原廠並無從屬或認證關係。
我們的維修承諾
維修完成後 90 日內，在正常使用情況下，如我們處理過的部分出現以下情況，可以拿回來免費檢查，我們會先評估，再一齊商量點跟進。
- 我們縫的線鬆脫或斷開
- 我們上的邊油開裂或剝落
- 我們更換的五金、拉鍊功能失效
- 我們補的顏色不均或脫色
不屬跟進範圍：正常使用磨損、意外損傷、其他部位老化、我們沒有處理過的位置，以及其後由他人再加工的部分。請先 WhatsApp 附上相片，我們評估後再安排。
常見問題
整一件皮具要幾錢？
每件個別報價。價錢視乎要處理邊幾個位、要用咩皮同五金、要花幾多工時——補一隻角同換成個內裡，根本唔可以比較。你先 WhatsApp 附上相片，我們免費俾一個大概範圍你，唔使你先承諾任何嘢。
要等幾耐？
大部分項目約 4 週。簡單嘅可以快啲，翻新同重新染色會耐啲。我們係一人工作室，唔外判——你排嘅隊，由頭到尾都係同一雙手。如果你有死線，請早啲講，我們會如實話你知趕唔趕得切。
可唔可以順豐寄俾你哋？
可以，大部分客人都係咁做。包好寄到我們葵涌工作室就得。維修總值滿 HK$1,000，回程運費由我們負責。
整完會唔會睇得出？
我們盡量令維修痕跡融入件皮具，但皮革會隨時間變化——新換嘅皮唔會有十年嘅色澤。如果配唔到完美，我們會喺開工前講，唔會做完先講。
你哋係咪品牌認可嘅維修店？
唔係。我們係獨立第三方維修專門店，與任何品牌都冇從屬或認證關係。創辦人出身法國頂級皮具品牌維修部，所以我們跟返同樣嘅針距同工法——但件作品係我們嘅，唔係品牌嘅。另外請留意，經第三方維修有機會影響品牌本身嘅售後服務。
如果救唔返會點？
我們會直接同你講，檢查唔收費。與其收你錢做一件唔耐用嘅嘢，我們寧願唔接。
你的皮具需要維修或保養？
📲 WhatsApp 附相報價